Мэдээ

Монгол Улсын Ерөнхийлөгчийн санаачлагаар “Эрүүл Монгол Хүн” үндэсний хөдөлгөөнийг хэрэгжүүлэх аяны хүрээнд  Улс орны хөгжилд үнэтэй хувь нэмэр оруулж ирсэн үе үеийн ахмадуудынхаа нийгмийн харилцааны идэвх, оролцоог нэмэгдүүлэх, амьдралын чанарыг сайжруулах зорилгын хүрээнд  ахмадын “Софт волейбол” -ын нээлттэй тэмцээнийг энэ оны 01 дүгээр сарын 25-ны  өдөр Спортын хорооны цогцолборт  зохион байгуулагдлаа.

Тус тэмцээнд 21 аймаг, 9 дүүргийн  54 багийн 300 гаруй ахмад тамирчид оролцсон ба тэмцээнийг 50-54, 55-60, 60-64, 70+насны эрэгтэй, эмэгтэй 4 ангилалаар амжилттай зохион явууллаа.

Тэмцээний нээлтийн үйл ажиллагаанд Монгол улсын гавъяат дасгалжуулагч, ММБТСХ-ний дарга, Монголын үндэсний олмимпын хорооны дэд ерөнхийлөгч  Ч.Наранбаатар, ММБТСХ-ний дэд ерөнхийлөгч Монгол улсын гавьяат дасгалжуулагч Б.Доржпалам, Налайх дүүргийн ахмадын хорооны дарга С.Тунгалаг, Налайх дүүргийн спортын хорооны дарга Д.Мөнхбаяр, Волейболын спортын гавьяат дасгалжуулагч, Налайх дүүргийн ахмад Н.Чулуунбаатар, Говьсүмбэр аймгийн МБТСХ-ны тэргүүн Л.Насанжаргал нар оролцлоо.

Тэмцээн 09:00 цагт эхэлж 01 сарын 26-ны өдрийн 02:00 цаг хүртэл үргэлжлэв. Тэмцээний зохион байгуулагч нарт  хүндэтгэл үзүүлж Налайх дүүргийн Ахмад тамирчин ОУХМ Ж.Түмэнжаргалд тэмцээнд оролцогч тамирчдын төлөөлөл дурсгалын зүйл гардуулсан.

Тэмцээнийн нээлтийн үйл ажиллагааны үеэр тус спортод олон жил идэвх санаачлагатай ажилласан хөнгөн атлетикийн спортын мастер Л.Мягмарсүрэн ,болон  Н.Наранбаяр нарт биеийн тамир, спортын салбар үүсэж хөгжсөний 100 жилийн ойн медалиар шагнаж урамшуулав.

Тус тэмцээнд амжилттай оролцсон баг тамирчдыг дурдвал:

55-59 насны эрэгтэй тамирчид

1-р байр Дархан 2

2-р байр Говьсүмбэр

3-р байр Хэнтий

50-54 насны эмэгтэй тамирчид

1-р байр Гавьсүмбэр

2-р байр Хэнтий  

3-р байр Хэнтий 1

60-64 насны эрэгтэй тамирчид

1-р байр  Хан -уул дүүрэг

2-р байр  Бага-нуур

3-р байр Хэнтий

55-59 насны эмэгтэй тамирчид

1-р байр  Говьсүмбэр  Чойр хайрхан баг

2-р байр  Тэмүүжин баг

3-р байр   Баян зүрх дүүрэг Хан гарьд баг

65-.69 насны эрэгтэй тамирчид

1-р байр Онцгой

2-р байр Бага-нуур

3-р байр Чингэлтэй 13

60-64 насны эмэгтэй тамирчид

1-р байр Сүхбаатар дүүрэг 

2-р байр Хан-уул дүүрэг Эв хүч баг 

3-р байр Хэнтий

70+ насны эрэгтэй тамирчид

1-р байр Дархан

2-р байр Чингэлтэй дүүрэг Чанар баг

3-р байр Говьсүмбэр баг

65+ насны эмэгтэй тамирчид

1-р байр Чингэлтэй дүүрэг Булган баг

2-р байр Налайх

3-р байр Бага-нуур

Тэмцээний насны ангилал тус  бүрт шилдэг нэг тамирчныг хамт олны саналаар шалгаруулж цом-оор шагнаж урамшуулав.

Тэмцээний нээлтийн үйл ажиллагааны үеэр багийн гишүүн бүрийн утасны дугаараар азийн сугалаа явуулж 10 хүнийг үнэ бүхий зүйлээр шагнасан.Тэмцээнийг Налайх дүүргийн спортын хорооны мэргэжилтэнүүд болон мастеруудын холбооны шүүгч нар шүүн явууллаа.Тэмцээний явцад гарсан зөрчил  маргаан байхгүй.